شرح مبسط لطريقة تسمية المركبات العضوية في منهج كيمياء

السلام عليكم ورحمه الله وبركاته …. كيفكم يا حلوين J
ورجعنالكم بعد الاجازة السعيدة اللي ما حسينا فيها …

اليوم كاتبلكم طريقة تسمية جميع المركبات العضوية بطريقة الأيوباك او ما تسمى بالانجليزي (IUPAC) .
والي تبدا من الألكانات وتنتهي بالاسترات … ولا اقولكم
خليني اعددها لكم على شكل نقاط ونبدا فيها وحده وحده :
1- طريقة تسمية الألكانات .
2- ~~ ~~الألكينات .
3- ~~ ~~ الألكاينات .
4- ~~ ~~ الأغوال .
5- ~~ ~~ الإيثرات .
6- ~~ ~~ الألدهيدات .
7- ~~ ~~ الكيتونات .
8- ~~ ~~ مجموعة الكربوكسيل او ما تسمى بالحمض العضوي
9- ~~ ~~ الإسترات .

خلونا نبدأ بالـ ألكانات :
اول شي اعطيكم نبذه سريعة عنها
هي المركبات العضوية التي تحتوي على رابطة وحده بين ذرات الكربون .
والتي غالبا تاخذ هالشكل :
[IMG]file:///C:/DOCUME%7E1/XPress/LOCALS%7E1/Temp/msohtml1/01/clip_image002.jpg[/IMG]
طيب الحين خلونا نعرف كيف نسميها خطوه خطوه :
1/ نختار أطول سلسلة من ذرات الكربون بحيث تحوي جميع التفرعات فتكون السلسلة الأطول هي السلسة الأم " يعني الاصل " والبقية هي الفروع .
[IMG]file:///C:/DOCUME%7E1/XPress/LOCALS%7E1/Temp/msohtml1/01/clip_image004.jpg[/IMG][IMG]file:///C:/DOCUME%7E1/XPress/LOCALS%7E1/Temp/msohtml1/01/clip_image006.jpg[/IMG]
2/ نرقم ذرات الكربون في السلسة الأم بحيث يبدأ الترقيم من الطرف الأقرب للتفرع واذا تساوت الخيارات نبحث عن فرع ثالث يفصل بين الطرفين ويبدأ العد من الأقرب .
[IMG]file:///C:/DOCUME%7E1/XPress/LOCALS%7E1/Temp/msohtml1/01/clip_image004.jpg[/IMG][IMG]file:///C:/DOCUME%7E1/XPress/LOCALS%7E1/Temp/msohtml1/01/clip_image008.jpg[/IMG]
3/ كتابة اسم المركب الأم " يعني اكتبو باي مكان عشان ما يضيع عليك "
واسم المركب يكون بعدد الأرقام " يعني بالتسمية اللاتينية اللي هي ( ميث . ايث .بروب.بيوت…ديك ) " بعد ما تكتب عدد الأرقام نضيف (ـان ) عشان يدل على انو الكان .. فيصبح اسم المركب الام اللي فوق هو ( ديكان )
4/ نبدأ بكتابة اسمع الفرع أولا بحيث نبدأ بالفرع المقدم ابجديا باللغة الانجليزية . وهذا يتم بطريقتين اساسيتين يعني لازم تسويهم اثنينهم :
أ/ تكتب أرقام الفروع يعني رقم ذره الكربون اللي عليها الفرع ثم تكتب بعد الرقم علامه – .
ب/ اذا تكرر الفرع تكتب ارقام الفروع ثم فاصله , << يعني هذي (( يعني رقم الفرع الاول ثم رقم الفرع الثاني ثم فاصله )) ثم كلمة (ثنائي او ثلاثي ..الخ ) على حسب عدد الفروع المتشابهه ثم علامه – ثم اسم الفرع الذي يليه
* ملاحضة : بين الارقام والكلمات يجي وضع علامه – وبين الأرقام فيما بينها نكتب علامه فاصلة ,
اقولكم بس شرايكم نحل مثال ؟
[IMG]file:///C:/DOCUME%7E1/XPress/LOCALS%7E1/Temp/msohtml1/01/clip_image010.jpg[/IMG]
اسم هالمركب هو : 7- إيثيل- 2-ميثيل ديكان
تلاحظون اني بديت بالايثيل قبل الميثيل عشان لازم نرتب ترتيب الحروف الابجديه يعني نبدأ من إيثيل اول شي عشان بدايته E ونخلي الميثيل بعدو عشان بدايته M وتلاحظون العلامات .

[IMG]file:///C:/DOCUME%7E1/XPress/LOCALS%7E1/Temp/msohtml1/01/clip_image012.jpg[/IMG]
كذا خلصنا الألكان . باقي الألكين والألكاين
الألكين والألكاين سالفتهم سهله .. بس اهم شي لو تعرفون الخطوات السابقة وتطبقونها صح راح تسهل عليكم الـ 8 تسميات الباقية .
خلونا نبدأ طريقة التسمية في الألكين والألكاين … لكن اول شي خليني اعطيكم نبذة عنها .
الألكين : هي سلسلة الكربون المحتوية على ذرات الكربون وتكون احداها او جميعها تتكون من روابط ثنائية . وغالبا تأخذ هذا الشكل :

الألكاين : هي سلسلة الكربون المحتوية على ذرات الكربون وتكون احداها او جميعها تتكون من روابط ثلاثية . وغالبا ما تاخذ هذا الشكل :

طيب الحين نروح لطريقة التسمية :
1/نختار اطول سلسلة كربون متصلة بشرط ان تحتوي على الرابطة الثنائية او الثلاثية .
2/نبدأ الترقيم من الطرف الأقرب للرابطة يعني مو اشوفولي واحد مرقملي من مكان التفرع الاقرب .. لا هنا الاقرب للرابطه .. خليني اكمل
وعند تساوي الروابط في الجهتين " وهذي نادره " ننظر للرابطة الاقرب للتفرع
3/نكتب اسم الفروع بنفس الطريقة السابقة ثم اسم المركب الأم مع تحديد رقم ذره الكربون اللي عليها الرابطة " يعني قبل اسم المركب الام تكتبلي طال عمرك رقم الذره اللي عليها الرابطه طبعا يكون الارقم الاصغر "
خلونا ناخذ مثال :
[IMG]file:///C:/DOCUME%7E1/XPress/LOCALS%7E1/Temp/msohtml1/01/clip_image018.jpg[/IMG] هالمركب اسمه :
4-ميثيل – 3- هبتين
* ملاحظة : اذا كانت الرابطة ثنائية نضيف على اسم المركب الأم ( ين )
واذا كانت ثلاثية نضيف ( اين )

وكذا خلصنا التسمية …
الصراحة انا تعبت من كثر ما اكتب .. التسمية اللي ما عرفتوها قولوها لي وانا اشرحها او اكتبها لكم … وسلامتكم
وهذي ورقة ملخص سريع عن كيفية فهم المركبات العضوية وتسميتها ..
وسلامتكم …
http://www.mediafire.com/imageview.p…xgfqjc&thumb=4